കോട്ടയം: കേരള ജനത ഒന്നടങ്കം സഹകരിച്ച ദളിത് സംഘടനകളുടെ ഹര്‍ത്താല്‍ വിജയം കേരളത്തിലെ രാഷ്ട്രീയ മുന്നണികള്‍ കണ്ണ് തുറന്നു കാണണമെന്ന് കേരള ജനപക്ഷം ചെയര്‍മാന്‍ പി.സി.ജോര്‍ജ്.വോട്ട് ബാങ്കുകളായി തങ്ങളിനിയില്ലെന്ന കീഴാള ജനതയുടെ മുന്നറിയിപ്പിന്റെ പ്രതിഫലനമാണ് ഈ ഹര്‍ത്താല്‍ വിജയം.
തുടരെ അവഗണിക്കുന്നവരാണ് തങ്ങളെന്ന ഒരു ജനവിഭാഗത്തിന്റെ പരാതികള്‍ ഇനിയും കേരളത്തില്‍ ആരും കാണാതെ പോകരുത്.മഹാനായ അയ്യങ്കാളി സ്വയം നയിച്ച വില്ലുവണ്ടി സമരത്തോടൊപ്പം ഇന്നത്തെ ഹര്‍ത്താല്‍ വിജയം ചരിത്രം ചേര്‍ത്തുവയ്ക്കും.ഭരണത്തിന്റെയും രാഷ്ട്രീയ നേതൃത്വങ്ങളുടെയും പരിസസരങ്ങളില്‍ വല്ലതും കൊടുത്ത് സംതൃപ്തിപ്പെടാനല്ല മുഖ്യധാരാ നേതൃത്വത്തില്‍ ഇനി കേരളത്തില്‍ തങ്ങളുണ്ടാകുമെന്ന പാര്‍ശ്വവത്കൃത ജനതയുടെ വിളംബരമാണ് ഈ ഹര്‍ത്താല്‍ വിജയം.ഇതിന് ബഹുജനങ്ങള്‍ സ്വയമേവ നല്‍കിയ പിന്തുണ കേരളത്തിലെ മുന്നണിബരാഷ്ട്രീയ നേതൃത്വങ്ങള്‍ക്കുള്ള താക്കീതാണെന്നും പി.സി.ജോര്‍ജ് ചൂണ്ടിക്കാട്ടി