ആനക്കര(പാലക്കാട്): ആനക്കര കോയക്കുട്ടി ഉസ്താദ് രണ്ടാമത് മഖാം ഉറൂസ് ഇന്ന് തുടങ്ങും. ഇന്ന് വൈകിട്ട് നാലിന് ഇസ്മാഈല്‍ മുസ്‌ലിയാര്‍ പതാക ഉയര്‍ത്തും. തുടര്‍ന്ന് ഖത്തം, ദിഖ്‌റ ദുആ മജ്‌ലിസിന് അത്തിപ്പറ്റ ഉസ്താദ്, യു.പി മുഹമ്മദ് മുസ്‌ലിയാര്‍ മാത്തൂര്‍, ചെമ്പുലങ്ങാട് മുഹമ്മദ് കുട്ടി മുസ്‌ലിയാര്‍, ടി.ടി.അബ്ദുല്ലക്കുട്ടി ബാഖവി ആലൂര്‍ നേതൃത്വം നല്‍കും. 6.30ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജില്ലാ പ്രസിഡന്റ് കെ.പി.സി തങ്ങള്‍ വല്ലപ്പുഴ അധ്യക്ഷനാകും. അബ്ദു സമദ് പൂക്കോട്ടൂര്‍ മുഖ്യപ്രഭാഷണം നടത്തും. സത്താര്‍ പന്തലൂര്‍, ഖാസിം ഫൈസി പോത്തനൂര്‍ സംബന്ധിക്കും.
12ന് രാവിലെ 10ന് പൂര്‍വവിദ്യാര്‍ഥി സംഗമവും വൈകിട്ട് 6.30ന് സമാപന സമ്മേളനവും നടക്കും. സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സെക്രട്ടറി ആലിക്കുട്ടി മുസ്‌ലിയാര്‍ അധ്യക്ഷനാകും. ട്രഷറര്‍ സി.കെ.എം സ്വാദിഖ് മുസ്‌ലിയാര്‍ പ്രഭാഷണം നടത്തും. അന്‍വര്‍ മുഹ്‌യിദ്ദീന്‍ ഹുദവി ആലുവ മുഖ്യപ്രഭാഷണം നടത്തും. ബഷീര്‍ ഫൈസി ആനക്കര, അബ്ദുള്‍ ഖാദര്‍ ഫൈസി തലക്കശ്ശേരി സംബന്ധിക്കും.