കോതമംഗലം: കോട്ടപ്പടി പ്ലാമുടി എരുമച്ചാലില്‍ കാര്‍ത്യായനി തേവന്റെ വീട്ടില്‍ ഗ്യാസ് സിലിണ്ടര്‍ പൊട്ടിത്തെറിച്ച് അപകടം. അടുക്കളയില്‍ പാചകം ചെയ്തുകൊണ്ടിരിക്കെ ഇന്നലെ ഘടിപ്പിച്ച പുതിയ ഗ്യാസ് സിലിണ്ടറിന്റെ റെഗുലേറ്റര്‍ ഭാഗത്തേക്ക് തീ പടരുകയും വലിയ സ്‌ഫോടനത്തോട് കൂടെ പൊട്ടിത്തെറിക്കുകയുമായിരുന്നു. വീടിന് ഭാഗീകമായി കേടുപാടുകള്‍ പറ്റുകയും വീട്ടുപകരണങ്ങള്‍ക്ക് നാശനഷ്ടം ഉണ്ടാകുകയും ചെയ്തു.
ഈ സമയത്ത് കാര്‍ത്യായനിയും മകന്‍ സജിയും ചെറുമകന്‍, ഭാര്യ എന്നിവര്‍ അടുത്ത വീട്ടിലേക്ക് ഓടിപ്പോയിരുന്നതിനാല്‍ പരുക്കുകളേല്‍ക്കാതെ രക്ഷപ്പെട്ടു. കോതമംഗലം ഫയര്‍ സ്റ്റേഷനില്‍ നിന്നും അസി.സ്റ്റേഷന്‍ ഓഫിസര്‍ ബിനു സെബാസ്‌ററ്യന്റെ നേതൃത്വത്തില്‍ ലീഡിങ് ഫയര്‍മാന്‍ ടി.വി രാജന്‍, ഫയര്‍മാന്‍മാരായ ഒ.എ ആബിദ് , അരുണ്‍ ചന്ത് സി.വി, സാനു വത്സന്‍, വിഷ്ണു ആര്‍ പിള്ള, ഡ്രൈവര്‍ സി.എസ് അനില്‍കുമാര്‍ എന്നിവര്‍ സംഭവ സ്ഥലത്തെത്തി മേല്‍ നടപടികള്‍ സ്വീകരിച്ചു.