തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്കു വേണ്ടി പേഴ്‌സണല്‍ സ്റ്റാഫിനെ നിയമിക്കുന്ന വ്യവസ്ഥയില്‍ സര്‍ക്കാര്‍ മാറ്റംവരുത്തി. എ കാറ്റഗറിയില്‍പ്പെടുന്ന പേഴ്‌സണല്‍ സ്റ്റാഫ് അംഗസംഖ്യ 17 എന്ന പരിധിയില്‍ മാറ്റം വരുത്താന്‍ ഇന്നലെ ചേര്‍ന്ന മന്ത്രിസഭായോഗം തീരുമാനിച്ചു.
ഒരു അസിസ്റ്റന്റ് പ്രൈവറ്റ് സെക്രട്ടറിക്ക് അഡിഷണല്‍ പ്രൈവറ്റ് സെക്രട്ടറിയായി സ്ഥാനക്കയറ്റം നല്‍കാന്‍ ചെന്നിത്തല സര്‍ക്കാരിന് അപേക്ഷ നല്‍കിയിരുന്നു. അതു പരിഗണിച്ച് സര്‍ക്കാര്‍ നേരത്തെ അനുകൂലമായ തീരുമാനമെടുത്തിരുന്നു.
ഇതിനായി സൃഷ്ടിച്ച തസ്തികയ്ക്ക് മന്ത്രിസഭ ഇന്നലെ അംഗീകാരം നല്‍കുകയായിരുന്നു.