കോഴിക്കോട്: ഡോ.സുകുമാര്‍ അഴീക്കോട് തത്ത്വമസി പുരസ്‌കാരങ്ങള്‍ പ്രഖ്യാപിച്ചു. നോവല്‍ വിഭാഗത്തില്‍ 'മഗ്ദലീനയുടെ (എന്റെയും) പെണ്‍ സുവിശേഷം' എന്ന കൃതിക്ക് രതീദേവിക്കും കവിതയില്‍ അനില്‍ കുര്യാത്തിയുടെ 'ജൂണ്‍ മഴ നനയാതെ പോയവര്‍ക്കും' ആത്മകഥയ്ക്ക് 'ജയചന്ദ്രന്‍ മൊകേരിയുടെ 'തക്കിജ്ജ'യ്ക്കുമാണ് പുരസ്‌കാരം. കെ.പി രാമനുണ്ണി ചെയര്‍മാനായ ജൂറിയാണ് അവാര്‍ഡ് നിര്‍ണയിച്ചത്. മെയ് 13ന് കോഴിക്കോട് മെജസ്റ്റിക് ഓഡിറ്റോറിയത്തില്‍ നടക്കുന്ന ചടങ്ങില്‍ പുരസ്‌കാരങ്ങള്‍ സമ്മാനിക്കും. മുഖ്യമന്ത്രി പിണറായി വിജയന്‍ പങ്കെടുക്കും. വാര്‍ത്താ സമ്മേളനത്തില്‍ ടി.ജി വിജയകുമാര്‍, സുരേഷ് അഴീക്കോട്, ഷംസു പൂമ, ജോയ് എബ്രഹാം പങ്കെടുത്തു.