കല്‍പ്പറ്റ: സംസ്ഥാന ന്യൂനപക്ഷ ക്ഷേമ വകുപ്പിന്റെ കീഴില്‍ കല്‍പ്പറ്റയില്‍ പ്രവര്‍ത്തിക്കുന്ന മുസ്‌ലിം യുവജനതക്കായുള്ള പരിശീലന കേന്ദ്രത്തില്‍ പി.എസ്.സി ഫൗണ്ടേഷന്‍ കോഴ്‌സിന്റെ പുതിയ ബാച്ചിലേക്കുള്ള അപേക്ഷ ക്ഷണിച്ചു. പരിശീലനം തികച്ചും സൗജന്യമായിരിക്കും. റെഗുലര്‍ ബാച്ചില്‍ തിങ്കള്‍ മുതല്‍ വെള്ളി വരെയും ഹോളിഡേ ബാച്ചില്‍ ശനി, ഞായര്‍ ദിവസങ്ങളിലുമായി ആറു മാസക്കാലമാണ് പരിശീലനം നല്‍കുന്നത്. വിവിധ വിഷയങ്ങളില്‍ പ്രഗത്ഭരായ അധ്യാപകര്‍ ക്ലാസുകള്‍ക്ക് നേതൃത്വം നല്‍കും.
18 വയസ് തികഞ്ഞ മുസ്‌ലിം, കൃസ്ത്യന്‍, ജൈന്‍, മറ്റു പിന്നാക്ക വിഭാഗക്കാര്‍ക്ക് അപേക്ഷിക്കാം . അപേക്ഷകള്‍ നിര്‍ദ്ദിഷ്ട ഫോമില്‍ (സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പ് )  പ്രിന്‍സിപ്പല്‍, കോച്ചിങ് സെന്റര്‍ ഫോര്‍ മുസ്‌ലിം യൂത്ത്, പഴയ ബസ് സ്റ്റാന്‍ഡ് ബില്‍ഡിങ്, കല്‍പ്പറ്റ എന്ന വിലാസത്തില്‍ ഈമാസം 15നകം നല്‍കണം. അപേക്ഷാ ഫോം ഓഫിസില്‍ നിന്ന് നേരിട്ടും, ംംം.ാശിീൃശ്യേംലഹളമൃല.സലൃമഹമ.ഴീ്.ശി  എന്ന വെബ്‌സൈറ്റിലും ലഭ്യമാണ്. വിശദ വിവരങ്ങള്‍ക്ക്  ഫോണ്‍: 04936 202228.