അടിമാലി: കൊച്ചി-ധനുഷ്‌കോടി ദേശീയ പാതയില്‍ രണ്ട് വാഹനാപകടങ്ങളില്‍ ഒരു കുടുംബത്തിലെ ആറുപേര്‍ക്ക് പരിക്കേറ്റു.
മച്ചിപ്ലാവില്‍ സ്വകാര്യ ബസ്സും കാറും കൂട്ടിയിടിച്ചും ആറാം മൈലില്‍ കാര്‍ നിയന്ത്രണം വിട്ട് കൊക്കയിലേക്ക് മറിഞ്ഞുമാണ് അപകടം സംഭവിച്ചത്. ഇന്നലെ രാവിലെ 10.30ന് പതിനാലാം മൈലിനും മച്ചിപ്ലാവ് സ്‌കൂള്‍ പടിയ്ക്കും ഇടയിലാണ് ആദ്യ അപകടം നടന്നത്. അടിമാലിയ്ക്ക് വരികയായിരുന്ന കെ.എസ്.ആര്‍.ടി.സി ബസ്സിനെ മറി കടക്കുന്നതിനിടെ എതിരെ വന്ന സ്വകാര്യ ബസ്സില്‍ കാര്‍ ഇടിച്ചാണ് മച്ചിപ്ലാവില്‍ അപകടം ഉണ്ടായത്. എറണാകുളം ചിറ്റൂര്‍ ശ്രുതി ഭവനില്‍ അക്ഷയത് (11), പിതാവ് ശശി മോനോന്‍(55), ലത ശശി(51) ബസ്സിലെ യത്രക്കാരായ ഇരുമ്പുപാലം സ്വദേശികളായാ സുമിയ ജിതിന്‍, കുഞ്ഞമ്മ, മധു എന്നിവര്‍ക്കാണ് പരിക്കേറ്റത്. ഇവരെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. 11 മണിയോടെ ആറാം മൈലില്‍ കോതമംഗലം ഭാഗത്ത് നിന്ന് വന്ന കാര്‍ നിയന്ത്രണം വിട്ട് കൊക്കയിലേക്ക് മറിയുകയയാിരുന്നു.
കാര്‍ റോഡിലെ ഡിവൈഡറില്‍ തട്ടി നിന്നതിനാല്‍ ദുരുന്തം ഒഴുവായി. കാറില്‍ നാല് പേര്‍ ഉണ്ടായിരുന്നു. ദേശീയപാതയില്‍ കഴിഞ്ഞ ഒരു മാസത്തിനിടെ 20 ഓളം അപകടങ്ങള്‍ ഉണ്ടായി. കഴിഞ്ഞ ആഴ്ചയാണ് ഇരുമ്പുപാലത്തിനുസമീപം കാര്‍ ദേവിയാര്‍ പുഴയിലേക്ക് മറിഞ്ഞ് ഒരു കുടുംബത്തിലെ മൂന്നു പേര്‍ മരിച്ചത്.