മേപ്പാടി: കാരാപ്പുഴ ഡാമിന്റെ തീരങ്ങളില്‍ മുളവെച്ച് പിടിപ്പിക്കാന്‍ തീവ്ര പ്രയത്‌നത്തിലാണ് നെടുമ്പാല ആസ്ഥാനമായി പ്രവര്‍ത്തിക്കുന്ന ആര്‍ഷ ഭാരത് എന്ന സന്നദ്ധ സംഘടന. കഴിഞ്ഞ നാല് വര്‍ഷത്തിനിടയില്‍ കാരാപ്പുഴയുടെ തീരത്ത് പതിനായിരത്തോളം മുള തൈകളാണ് സംഘടനയുടെ നേതൃത്വത്തില്‍ നട്ടത്.
ഇന്ത്യന്‍ മുളകളായ ബാംബൂസ് ബാംബൂസ്, റ്റുല്‍ഡ, സിക്കിമെന്‍സിസ് എന്നീ മൂന്നിനം മുളകളാണ് നട്ടത്. ആണ്ടൂര്‍ താറ്റിയാട് ഒരു തോട് തന്നെ മുളവല്‍ക്കരണത്തിലൂടെ പുനര്‍ സൃഷ്ടിക്കാന്‍ കഴിഞ്ഞന്ന് ഇവര്‍ പറയുന്നു. എല്ലാ വീടുകളിലും ഒരു മുളങ്കൂട്ടം എന്ന ആശയവുമായി പ്രചാരണം ആരംഭിക്കാന്‍ ഒരുങ്ങുകയാണ് ആര്‍ഷഭാരത്.