വടകര: സി.പി.ഐ ഇരുപത്തിമൂന്നാം പാര്‍ട്ടി കോണ്‍ഗ്രസില്‍ ഉയര്‍ത്താനുള്ള പതാകയുമായി 19ന് കയ്യൂരില്‍ നിന്നു ബിനോയ് വിശ്വത്തിന്റെ നേതൃത്വത്തില്‍ പുറപ്പെടുന്ന ജാഥയ്ക്ക് 20ന് സ്വീകരണം നല്‍കും.
11.30ന് പുതിയ ബസ് സ്റ്റാന്‍ഡ് പരിസരത്താണ് സ്വീകരണ പരിപാടി. 11ന് അഴിയൂരില്‍ എത്തുന്ന ജാഥയെ പാര്‍ട്ടി ജില്ലാ നേതൃത്വവും സംഘടനാ ഭാരവാഹികളും ചേര്‍ന്ന് സ്വീകരിക്കും. സംഘാടക സമിതി രൂപീകരണ യോഗം സി.പി.ഐ സംസ്ഥാന കൗണ്‍സില്‍ അംഗം എം. നാരായണന്‍ ഉദ്ഘാടനം ചെയ്തു.
ജില്ലാ പഞ്ചായത്ത് അംഗം ടി.കെ രാജന്‍ അധ്യക്ഷനായി. പി. സുരേഷ് ബാബു, സോമന്‍ മുതുവന, സി. രാമകൃഷ്ണന്‍, എ.കെ കുഞ്ഞിക്കണാരന്‍, മണ്ഡലം സെക്രട്ടറി ആര്‍. സത്യന്‍ സംസാരിച്ചു.
ഭാരവാഹികള്‍: ഇ.കെ വിജയന്‍ എം.എല്‍.എ (ചെയര്‍), സോമന്‍ മുതുവന, കെ.കെ കുമാരന്‍, പി.പി വിമല, പി. ഗീത, പി. ഗവാസ് (വൈ. ചെയര്‍), ആര്‍. സത്യന്‍ (ജന. കണ്‍), എ.കെ കുഞ്ഞിക്കണാരന്‍, സി. രാമകൃഷ്ണന്‍ (ജോ. കണ്‍), പി. അശോകന്‍ (ട്രഷ).