വെള്ളറട: സുഹൃത്തിന്റ ഗര്‍ഭിണിയായ ഭാര്യയേ പീഡിപ്പിച്ച ബി.ജെ.പി നേതാവ് പിടിയില്‍. മൈലച്ചല്‍ ഡാലുമുഖം ചാരുവിള പുത്തന്‍വീട്ടില്‍ പ്രവീണ്‍കുമാര്‍(36) ആണ് പിടിയിലായത്. കെ.എസ്.ഇ ബി ജീവനക്കാരനായ പ്രവീണ്‍കുമാറിനോട് ഒപ്പം ജോലി ചെയ്യുന്ന സുഹൃത്തിന്റെ ഗര്‍ഭിണിയായ ഭാര്യയുടെ രോഗവിവരവും ഡോക്ടറിന്റെ നിര്‍ദേശങ്ങളും പറഞ്ഞിരുന്നു.
വിവരങ്ങള്‍ മനസ്സിലാക്കിയ പ്രവീണ്‍കുമാര്‍ സുഹൃത്തിന്റ വീട്ടിലെത്തി ഗര്‍ഭിണിയെ ബലമായി പീഡിപ്പിക്കുകയായിരുന്നു. ഒരു മാസം മുന്‍പാണ് കേസിന് ആസ്പതമായ സംഭവം നടന്നത്. ഇന്നലെ ഗര്‍ഭിണിയായ ഭാര്യയെയും കൂട്ടി ഡോക്ടറേ കാണാന്‍ എത്തി . ഡോക്ടറിന്റ പരിശോധനയില്‍ ഡോക്ടറന്റെ നിര്‍ദേശത്തിന് വിപരീതമായ ലക്ഷണങ്ങള്‍ കണ്ടു. വിവരങ്ങള്‍ ചോദിച്ചപ്പോഴാണ് ബി.ജെ .പി നേതാവ് പീഡിപ്പിച്ച വിവരം ഡോക്ടര്‍ അറിഞ്ഞത്.
ഉടന്‍ തന്നെ ഡോക്ടര്‍ പൊലിസിനെ അറിയിക്കുകയായിരുന്നു. ഇന്നലെ ആര്യന്‍കോട് എസ്.ഐ സൈജുവിന്റ നേതൃത്വത്തിലുള്ള പൊലിസ് സംഘം കാട്ടാക്കടയിലെ കെ.എസ്.ഇ.ബി ഓഫിസിലെത്തി പ്രവീണ്‍കുമാറിനെ അറസ്റ്റ് ചെയ്യുകയായിരുന്നു.
കോടതിയില്‍ ഹാജരാക്കിയ പ്രതിയെ കോടതി റിമാന്‍ഡ് ചെയ്തു.