മട്ടാഞ്ചേരി: സൗഹൃദ സാംസ്‌കാരിക സന്ദര്‍ശനവുമായി തായ്‌ലാന്റിന്റെ റോയല്‍ തായ് നാവികസേനയുടെ മൂന്ന് കപ്പലുകള്‍ കൊച്ചി കണ്ട് മടങ്ങി. റോയല്‍ തായ് നേവിയുടെ ബാങ്ങ് പക്കോങ്ങ് , മകുട്ട രാജകുമാരന്‍, പട്ടാണി എന്നീ കപ്പലുകള്ളാണ് കൊച്ചി ദക്ഷിണ നാവി കസേനാ കേന്ദ്രത്തിലെത്തിയത്.
ക്യാപ്റ്റന്‍ നിവാത്ത് ജിത് പോള്‍ഫൂര്‍, കമാന്‍ഡര്‍മാരായ നാട്ട വോന്‍ സംഗീത് ബൂണ്‍, ബറി ചോങ്ങ് നെറ്റ് വാഗ് എന്നിവരുടെ നേതൃത്വത്തില്‍ 382 നാവികരാണ് കൊച്ചി സൗഹൃദ സന്ദര്‍ശനത്തിനെത്തിയത്.
നാവിക സേനാ കേന്ദ്രത്തിലെ വിവിധ പരിശീലന കേന്ദ്രങ്ങള്‍, കപ്പല്‍ അറ്റകുറ്റപണി ശാലകള്‍, പൈതൃക കേന്ദ്രങ്ങള്‍ എന്നിവ സന്ദര്‍ശിച്ചു. സൗഹൃദ ഫുട്‌ബോള്‍, വോളിബോള്‍, ഗോള്‍ഫ് മത്സരങ്ങളും നടന്നു. രണ്ട് പതിറ്റാണ്ടായുള്ള ഇന്ത്യയുടെ സൗഹൃദ ബന്ധത്തിന്റെ ഭാഗമായുള്ള നാവിക സേന സന്ദര്‍ശനം പുര്‍ത്തിയാക്കി റോയല്‍ തായ് നേവി കപ്പലുകള്‍ ഇന്നലെ സിംഗപ്പുരിലേയ്ക്ക് മടങ്ങി.