കടപ്പുറം: വേനല്‍ അവധിക്കാലത്ത് കുട്ടികള്‍ക്കായി നെഹ്‌റു യുവകേന്ദ്ര ജില്ലാ തലത്തില്‍ സംഘടിപ്പിക്കുന്ന വീണ്ടും ഒരു മാമ്പഴക്കാലം മുനക്കകടവ് അഴിമുഖത്ത് ആരംഭിച്ചു.
കടപ്പുറം ജിംഖാന ക്ലബ്ബിന്റെ സഹകരണത്തോടെ നടന്ന പരിപാടി ചാവക്കാട് ബ്ലോക്ക് പഞ്ചായത്ത് പ്രസിഡന്റ് മുക്കണ്ടത്ത് ഉമര്‍ ഉദ്ഘാടനം ചെയ്തു. പഞ്ചായത്ത് അംഗം പി.എ അഷ്‌ക്കര്‍ അലി അധ്യക്ഷനായി. ക്യാംപില്‍ ഓല കൊണ്ടുള്ള പീപ്പി, പമ്പരം, വാച്ച്, വണ്ടി എന്നിവ നിര്‍മിച്ചു കാണിച്ചു. പി.എ.അന്‍വര്‍ ക്യാംപിനു നേതൃത്വം നല്‍കി. പഞ്ചായത്ത് അംഗം ശ്രീബ രതീഷ്, പി.എസ്. മുഹമ്മദ് ഷമീര്‍, സി.എം ഇസ്ഹാക്ക്, പി.എ അടിമക്കുട്ടി, പി.ടി സന്തോഷ്, കെ.എ നസീര്‍, പി.ബി അസറുദ്ദീന്‍, കെ.എ അഫ്‌സര്‍, സി.എം ഗഫൂര്‍ സംസാരിച്ചു.