കൊടുങ്ങല്ലൂര്‍: വിഷു കച്ചവടത്തിനായി സൂക്ഷിച്ചിരുന്ന അനധികൃത പടക്കശേഖരം പിടികൂടി. കൊടുങ്ങല്ലൂരില്‍ ഒരാള്‍ അറസ്റ്റില്‍. അഴീക്കോട് ലൈറ്റ് ഹൗസിന് സമീപം വീടിന്റെ ടെറസില്‍ സൂക്ഷിച്ചിരുന്ന 25,000 പടക്കങ്ങളും 600 ഓളം ഗുണ്ടുകളുമാണ് കൊടുങ്ങല്ലൂര്‍ സി.ഐ പി.സി ബിജു കുമാറും സംഘവും പിടികൂടിയത്.
സംഭവവുമായി ബന്ധപ്പെട്ട് കിഴക്കേടത്ത് മില്‍ട്ടന്‍ (36)നെ അറസ്റ്റ് ചെയ്തു. എസ്.ഐ രാംദാസ്, എ.എസ്.ഐ ക്ലീറ്റസ്, സിവില്‍ പൊലിസ് ഓഫിസര്‍മാരായ ജോസഫ്, കെ.എഫ് ജോസഫ്, സരസപ്പന്‍ എന്നിവരും പൊലിസ് സംഘത്തിലുണ്ടായിരുന്നു.