പാലക്കാട്: മകളെ ഉപദ്രവിക്കുന്നത് തടയാന്‍ ശ്രമിച്ച അച്ഛനെ തലക്കടിച്ച് കൊലപ്പെടുത്തിയ അയല്‍വാസിക്ക് ജീവപര്യന്തം കഠിന തടവും മൂന്നുലക്ഷം രൂപ പിഴയും ശിക്ഷ. പ്രതി പാലക്കാട് കിണാശേരി കളരിക്കല്‍ വീട്ടില്‍ ദേവദാസിനെ(37)യാണ് അഡീഷണല്‍ സെഷന്‍സ് കോടതി (ഫാസ്‌ററ്ട്രാക് കോടതി 111) ജഡ്ജി കെ.വി.വിജയകുമാര്‍ ശിക്ഷിച്ചത്. പാലക്കാട് കിണാശേരി, സുജയ് നിവാസില്‍ ജയരാമന്‍ (63 )ആണ് കൊല്ലപ്പെട്ടത്.
പിഴയടച്ചില്ലെങ്കില്‍ രണ്ടുവര്‍ഷം അധിക കഠിന തടവനുഭവിക്കണം. ടൌണ്‍ സൗത്ത് പൊലിസാണ് കേസെടുത്തു അന്വേഷണം നടത്തിയത്.