മൂവാറ്റുപുഴ: ആയവന പഞ്ചായത്ത് ഭാഗ്യശ്രീ ഇക്കോ ഷോപ്പിന്റെയും കുടുംബ ശ്രീയുടെ ആഭിമുഖ്യത്തില്‍ വിഷു ജൈവ പച്ചക്കറി വിപണന ചന്ത ആരംഭിച്ചു. ഗ്രാമ പഞ്ചായത്ത് വൈസ് പ്രസിഡന്റ് ഗ്രേസി സണ്ണി അധ്യക്ഷത വഹിച്ച യോഗത്തില്‍ ബ്ലോക്ക് പഞ്ചായത്ത് വികസന സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ജാന്‍സി ജോര്‍ജ് വിപണന മേള ഉദ്ഘാടനം ചെയ്തു.
ചടങ്ങില്‍ ബ്ലോക്ക് മെമ്പര്‍ സുഭാഷ് കടയ്‌ക്കോട്ട് ആദ്യ വില്‍പന നിര്‍വഹിച്ചു. യോഗത്തില്‍ പഞ്ചായത്ത് വികസന കാര്യ സ്റ്റാന്റിങ് കമ്മിറ്റി ചെയര്‍മാന്‍ അജിഷ് പി.എസ് ക്ഷേമ കാര്യ കമ്മിറ്റി ചെയര്‍പേഴ്‌സണ്‍ ദീപാ ബിജുമോന്‍, ജനപ്രതിനിധികളായ ജൂലി സുനില്‍, ബേബി കുര്യന്‍, മേഴ്‌സി ജോര്‍ജ്, റെബി ജോസ്, ശിവദാസ് കെ.കെ,, ക്യഷി ഓഫിസര്‍ ബോസ് മത്തായി, ഏനാ നെല്ലൂര്‍ സര്‍വീസ് സഹകരണ ബാങ്ക് വൈസ് പ്രസിഡന്റ് ജോളി ഉലഹന്നാന്‍, കൃഷി അസി. സുഹറ റ്റി എം, രശ്മി വി.ആര്‍, ഇക്കോ ഷോപ്പ് പ്രസിഡന്റ് സജീവ് ജോണ്‍ സെക്രട്ടറി സണ്ണി പൊട്ടംപുഴ, പാടശേഖര സമിതി സെക്രട്ടറി എം.സി ചെറിയാന്‍, ട്രഷറര്‍ ശിവശങ്കരന്‍ നായര്‍, കുടംബശ്രീ ചെയര്‍പേഴ്‌സണ്‍ മോളി തോമസ് എന്നിവര്‍ സംസാരിച്ചു.
കര്‍ഷകരുടെ നാടന്‍ ജൈവ കാര്‍ഷിക ഉല്‍പ്പന്നങ്ങള്‍ വിഷു വിപണിയില്‍ ലഭ്യമാക്കുമെന്ന് ഭാരവാഹികള്‍ അറിയിച്ചു.