പട്ടാമ്പി: കാലിക്കറ്റ് യൂനിവേഴ്സ്റ്റിയുടെ ബി.എ അറബിക് പരീക്ഷയില്‍ പട്ടാമ്പി ഗവ.സംസ്‌കൃത കോളജിലെ അറബിക് വിഭാഗത്തിന് നൂറ് മേനി വിജയം. 2012 ല്‍ ആരംഭിച്ച ബി.എ അറബിക് വിഭാഗത്തിലെ രണ്ടാം ബാച്ചിനാണ് തിളക്കമാര്‍ന്ന നേട്ടം കൈവരിച്ചത്. പരീക്ഷ എഴുതിയ 17 പേരില്‍ മൂന്ന് പേര്‍ മുഴുവന്‍ വിഷയങ്ങളിലും എ ഗ്രേഡ് നേടി. കഴിഞ്ഞ വര്‍ഷമിറങ്ങിയ ആദ്യബാച്ചിനും സമ്പൂര്‍ണ്ണ വിജയം ലഭിച്ചിരുന്നു. വകുപ്പ് മേധാവി ഡോ.പി അബ്ദുവിന്റെ അധ്യക്ഷതയില്‍ ചേര്‍ന്ന യോഗത്തില്‍ വിജയികളെ അനുമോദിച്ചു. ഡോ.കെ.എം ഹിലാല്‍,കെ.പി മുഹമ്മദ് ഷരീഫ്,കെ മുഹമ്മദ് തുടങ്ങിയവര്‍ സംബന്ധിച്ചു.