വെള്ളാങ്ങല്ലൂര്‍: വള്ളിവട്ടം പട്ടേപ്പാടത്ത് കുട്ടപ്പന്റെ മകന്‍ പ്രസാദ് (44) ന്റെ കുടുംബമാണു ഉദാരമതികളുടെ കനിവു തേടുന്നത്. അപൂര്‍വങ്ങളില്‍ അപൂര്‍വമായി കണ്ടു വരുന്ന തലച്ചോറു ചുരുങ്ങി വരുന്ന രോഗമാണു പ്രസാദിന്. ഭാര്യയും അഞ്ചു വയസുള്ള ഒരു പെണ്‍കുട്ടിയുമടങ്ങുന്ന കുടുംബത്തിന്റെ ഏക ആശ്രയം പ്രസാദായിരുന്നു.
നാലു സെന്റു സ്ഥലത്തു പണി പൂര്‍ത്തീകരിക്കാത്ത വീട്ടിലാണു ഇവരുടെ താമസം. പ്രസാദിന്റെ ഒരു മാസത്തെ മരുന്നിനു മാത്രം പതിനായിരം രൂപയോളം ചിലവു വരുന്നു. വീടുപണിക്കും ചികിത്സക്കുമായി കടം വാങ്ങിയ പണം ബാധ്യതയായി നില്‍ക്കുകയും ചെയ്യുന്നുണ്ട്. ഭാര്യ രജിലക്കു ഓര്‍മ നഷ്ടപ്പെട്ട ഭര്‍ത്താവിനെ കൊച്ചു കുട്ടിയെ പോലെ പരിചരിക്കേണ്ടി വരുന്നു. ഇതിനാല്‍ എന്തെങ്കിലും ജോലിക്കു പോകാനോ മകള്‍ക്കു ആഹാരം ഉണ്ടാക്കി കൊടുക്കാനോ സാധിക്കുന്നില്ല.
മികച്ച പാട്ടുകാരനായ പ്രസാദിനു സംഗീത ലോകത്തെ കുറിച്ചു മാത്രമാണു കുറച്ചു ഓര്‍മ നിലനില്‍ക്കുന്നത്. സംഗീതത്തിലൂടെ തന്റെ ഭര്‍ത്താവിന്റെ ഓര്‍മ തിരിച്ചു കൊണ്ടു വരാനാകുമെന്ന വിദഗ്ധ ഡോക്ടര്‍മാരുടെ അഭിപ്രായത്തില്‍ നേരിയ ഒരു പ്രതീക്ഷയാണു രജിലക്കുള്ളത്. ഇതിനു വലിയ സാമ്പത്തികം ആവശ്യമാണ്.
ഇതിനായി പ്രസാദ് ചികിത്സാ സഹായ നിധി എന്ന പേരില്‍ ഗ്രാമപഞ്ചായത്ത് അംഗം കെ.എച്ച് അബ്ദുല്‍ നാസര്‍ ചെയര്‍മാനും ടി.ആര്‍ സുരേഷ് കണ്‍വീനറും അബ്ദുല്‍ ലത്തീഫ് കാട്ടകത്ത് ട്രഷററുമായി സമിതി രൂപീകരിച്ചു പ്രവര്‍ത്തനമാരംഭിച്ചിട്ടുണ്ട്.
വള്ളിവട്ടം സര്‍വീസ് സഹകരണ ബാങ്കിലും ( അഇ ചീ. 6812), ടആക വള്ളിവട്ടം ശാഖയിലും (അഇ ചീ. 37627973453, കഎടഇ രീറല ടആകച0071254) അക്കൗണ്ട് തുടങ്ങിയിട്ടുണ്ട്. വിശദ വിവരങ്ങള്‍ക്ക് 9495247417 എന്ന നമ്പറില്‍ ബന്ധപ്പെടണം.