തൃശൂര്‍: നായ്ക്കനാല്‍ ജംക്ഷനില്‍ സ്വകാര്യ ബസിടിച്ച് സ്‌കൂട്ടര്‍ യാത്രക്കാരി മരിച്ച സംഭവത്തില്‍ ബസ് ഡ്രൈവര്‍ അറസ്റ്റില്‍. മുപ്ലിയം സ്വദേശി ബിജു ആണ് അറസ്റ്റിലായത്. തൃശൂര്‍-വരന്തരപ്പിള്ളി റൂട്ടില്‍ സര്‍വീസ് നടത്തുന്ന ബാഡ് ബോയ് ബസാണ് അപകടമുണ്ടാക്കിയത്.
വെള്ളിയാഴ്ചയുണ്ടായ അപകടത്തില്‍ നെല്ലിക്കുന്ന് ചിരിയങ്കണ്ടത്ത് സൈമണിന്റെ ഭാര്യ ജെസി(55)യാണ് മരിച്ചത്.
നായ്ക്കനാല്‍ ജംഗ്ഷനിലെ സിഗ്നിലില്‍ ചുവപ്പു ലൈറ്റ് കണ്ട് നിര്‍ത്തിയ സ്‌കൂട്ടറില്‍ സിഗ്നല്‍ ശ്രദ്ധിക്കാതെ അമിത വേഗത്തില്‍ എത്തിയ ബസ് ഇടിക്കുകയായിരുന്നു. അപകടം ഉണ്ടായ ഉടനെ ഓടിപ്പോയ ബസ് ഡ്രൈവര്‍ സ്വകാര്യ ആശുപത്രിയില്‍ ചികിത്സയിലാണ്.