കണ്ണൂര്‍: പാര്‍ട്ടി അച്ചടത്തനടപടി നേരിട്ട വയല്‍കിളി പ്രവര്‍ത്തകരെ കണ്ട് പാര്‍ട്ടിയുമായി സഹകരിക്കാന്‍ കാല് പിടിക്കുന്ന പി.ജയരാജന്റെ കീഴാറ്റൂര്‍ സന്ദര്‍ശനം വയല്‍കിളികളെ നക്കി കൊല്ലാനുളള നീക്കമാണെന്ന് കെ.പി.സി.സി ജനറല്‍ സെക്രട്ടറി സജീവ് ജോസഫ്. വയല്‍കിളികളുടെ നേതൃത്വത്തില്‍ ലോങ് മാര്‍ച്ച് നടത്താനുള്ള ആലോചന നാടക്കുമ്പോല്‍ ബൈപാസിന്റെ നിലവിലുള്ള അലൈന്‍മെന്റ് മാറ്റാന്‍ തയ്യാറാകാതെ ജയരാജന്റെ സന്ദര്‍ശനം. വയല്‍കിളി കൂട്ടായ്മയെ തകര്‍ക്കാനുള്ള ശ്രമമാണ് ബൈപാസിനുള്ള അനുമതി 50 ഓളം വയലുടമകള്‍ നല്‍കിയെന്നും 8 കുടുംബങ്ങല്‍ മാത്രമെ സമരത്തിലുള്ളുവെന്നും പ്രചരിപ്പിച്ച് സമരത്തെ ഒതുക്കാന്‍ മാസങ്ങള്‍ക്കു മുമ്പ് സ്ഥലം എം.എല്‍.എ ജെയിംസ് മാത്യുവിന്റെ നീക്കം പെളിഞ്ഞതിന് പിന്നലെയാണ് ഇപ്പോഴത്തെ സന്ദര്‍ശനമെന്നും അദ്ദേഹം പറഞ്ഞു.