ഗോള്‍ഡ് കോസ്റ്റ്: 2018 കോമണ്‍ വെല്‍ത്ത് ഗെയിമസില്‍  പുരുഷന്‍്മാരുടെ 75 കിലോഗ്രാം വിഭാഗം ബോക്‌സിങ്ങിൽ  ഇന്ത്യയുടെ വികാസ് കൃഷ്ണക്ക് സ്വര്‍ണ്ണം ലഭിച്ചു. കാമറൂണിന്റെ ഡ്യൂഡെന്നെ എന്‍സെഗുവിനെതിരെ 5-0 സോകോറിനാണ് വികാസ് അഭിമാനകരമായ വിജയം കൈവരിച്ചത്. ഇതോടെ 2018 കോമണ്‍ വെല്‍ത്ത് ഗെയിംസില്‍ ഇന്ത്യ  25 സ്വര്‍ണ്ണ മെഡലുകള്‍ കരസ്ഥമാക്കി.

ശനിയാഴ്ച്ച നടന്ന വനിതകളുടെ 45 കിലോഗ്രാം വിഭാഗത്തില്‍ മേരികോമും, പുരുഷന്‍മാരുടെ 52 കിലോഗ്രാം വിഭാഗത്തില്‍ ഗൗരവ് സോളങ്കിയും സ്വര്‍ണം നേടിയിരുന്നു. ഇതോടെ ഇന്ത്യക്ക് ബാക്‌സിങ്ങില്‍ കിട്ടുന്നത് മൂന്നാമത്തെ സ്വര്‍ണ്ണമാണ്. കുടാതെ 2 വെള്ളിയും മൂന്ന് വെങ്കലവും ചേര്‍ത്ത് ബോക്‌സിങ്ങില്‍ മാത്രം ഇന്ത്യ 8 മെഡലുകള്‍ നേടി