മുക്കം: മണാശ്ശേരി എം.കെ.എച്ച്.എം.എം.ഒ എച്ച്.എസ് സ്‌കൂള്‍ നവീകരണത്തിന് സഹായ ഹസ്തവുമായി പൂര്‍വ്വ വിദ്യാര്‍ഥികള്‍. ഹയര്‍ സെക്കന്‍ഡറി വിഭാഗം ആദ്യ ബാച്ചിലെ വിദ്യാര്‍ഥികളാണ് പത്തു വര്‍ഷങ്ങള്‍ക്കിപ്പുറം ഒരുമിച്ചു കൂടുന്നതിന്റെ ഭാഗമായി സ്‌കൂളിന്റെ ഭൗതിക സൗകര്യ വികസനത്തിന് സഹായം വാഗ്ദാനം ചെയ്തത്. ആദ്യ ഗഡുവായ അന്‍പതിനായിരം രൂപ പ്രഥമ ബാച്ച് വിദ്യാര്‍ഥികളായ ടി.എം മുഹമ്മദ് നൗഫല്‍, വി. അബാന്‍, ഷമീന എന്നിവര്‍ ചേര്‍ന്ന് സ്‌കൂള്‍ മാനേജര്‍ വി.ഇ മോയിമോന്‍ ഹാജിക്ക് കൈമാറി. മുക്കം മുസ്‌ലിം ഓര്‍ഫനേജ് പ്രസിഡന്റ് വി. ഉമ്മര്‍കോയ ഹാജി, മുന്‍ പ്രിന്‍സിപ്പല്‍ പി.വി ഷാനവാസ്, പ്രിന്‍സിപ്പല്‍ സന്തോഷ് മൂത്തേടം, പി.പി മോനുദ്ധീന്‍, ഒ.വി അനൂപ് സംസാരിച്ചു. എ. മറിയംബി, ഇ.കെ മുഹമ്മദ് ഷമീര്‍, ടി.വി വീണ, എം.പി ജാസ്മിന്‍, എം.പി റോബിന്‍ ഇബ്രാഹിം, എം.എം.ഒ ഫൈസല്‍, കെ.കെ ഷൗക്കത്ത് സംബന്ധിച്ചു.