മാനന്തവാടി: കഞ്ചാവുമായി രണ്ട് യുവാക്കള്‍ പിടിയില്‍. എക്‌സൈസ് റെയിഞ്ച് ഇന്‍സ്‌പെക്ടര്‍ എം.കെ സുനിലിന്റെ നേതൃത്വത്തിലുള്ള എക്‌സൈസ് സംഘം തോല്‍പ്പെട്ടി ചെക്ക് പോസ്റ്റില്‍ നടത്തിയ സംയുക്ത വാഹന പരിശോധനയില്‍ കാറില്‍ കഞ്ചാവ് കടത്തിയ രണ്ട് പേരെ അറസ്റ്റ് ചെയ്തു.
കാഞ്ഞിരപ്പള്ളി പി.പി ഹൗസ് ജോസഫ് ചാക്കോ (24), വൈക്കം സൗത്ത് ഗേറ്റ് സഞ്ജയ് സണ്ണി (23) എന്നിവരാണ് 300 ഗ്രാം കഞ്ചാവുമായി അറസ്റ്റിലായത്. കഞ്ചാവ് കടത്താന്‍ ഉപയോഗിച്ച കാറും കസ്റ്റഡിയിലെടുത്തു. പ്രതികളെ മാനന്തവാടി ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കി.
വാഹന പരിശോധന സംഘത്തില്‍ എക്‌സൈസ് ഇന്‍സ്‌പെക്ടര്‍ എം.കെ സുനില്‍, പ്രിവന്റീവ് ഓഫിസര്‍ അനീഷ് ജോസ്, സിവില്‍ എക്‌സൈസ് ഓഫീസര്‍മാരായ മന്‍സൂര്‍ അലി, എം.ബി ഹരിദാസ്, അജേഷ് വിജയന്‍, എക്‌സൈസ് ഡ്രൈവര്‍ രമേശ്ബാബു എന്നിവര്‍ സംഘത്തിലുണ്ടായിരുന്നു.