എരമല്ലൂര്‍: എഴുപുന്ന പഞ്ചായത്തിലെ നരിയാണ്ടി സ്പില്‍വേ പാലത്തിന്റെ മേല്‍ത്തട്ട് തകര്‍ന്നുവീണു.
പാലത്തിന്റെ വശങ്ങളിലെ ചവിട്ടുപടികളും കൈവരികളും തകര്‍ന്നിട്ടുണ്ട്.
ചവിട്ടുപടികളിലെ പലകകള്‍ നിരത്തിയാണ് ജനങ്ങള്‍ ഇപ്പോള്‍ സഞ്ചരിക്കുന്നത്. ഈ പാലത്തിലൂടെ ജനങ്ങള്‍ക്ക് എഴുപുന്ന - കുമ്പളങ്ങി റോഡിലേക്ക് പ്രവേശിക്കാനുള്ള ഏക മാര്‍ഗമാണ് അടഞ്ഞത്. 50 വര്‍ഷക്കാലം പഴക്കമുള്ള സ്പില്‍വേ പാലം പൊളിച്ച് ഗതാഗതയോഗ്യമായ പാലം പണിയണമെന്നാണ് ജനകീയാവശ്യം. എന്നാല്‍ കൃഷി ആവശ്യത്തിനായുള്ള സ്പില്‍വേ നീക്കം ചെയ്യാനാവില്ലെന്നാണ് അധികൃതര്‍ പറയുന്നത്.
എന്നാല്‍ കൃഷിയൊന്നും നടക്കാത്തതിനാല്‍ ഷട്ടറുകള്‍ എപ്പോഴും തുറന്നിട്ടിരിക്കുകയാണെന്നും ഗതാഗതത്തിന് അനുയോജ്യമായ പാലം പണിയാന്‍ തടസമില്ലെന്നാണ് നരിയാണ്ടി ഗ്രാമവാസികള്‍ പറയുന്നത്.