തിരൂര്‍: വിഷുതലേന്ന് കച്ചവടം പൊടിപൊടിച്ചത് പടക്ക വിപണിയില്‍. ശിവകാശിയില്‍നിന്നുള്ള ട്രെന്‍ഡ് ഇനങ്ങള്‍ ഇത്തവണയും വിപണിയിലെ താരമായതോടെ വില്‍പ്പനയും ഇരട്ടിയായി. ചൈനീസ് മോഡല്‍ പൂക്കള്‍ക്കായിരുന്നു ആവശ്യക്കാരേറെ. വിവിധ നിറങ്ങളില്‍ പൂത്തുലയുന്ന സ്റ്റാര്‍ മേശാപ്പൂക്കളും തീകൊളുത്തിയാല്‍ മുകളില്‍ പോയി വര്‍ണാഭമായി പൊട്ടി വിരിയുന്ന കബാലി ടാ യാണ് മറ്റൊരു പ്രധാന ഇനം.
അഞ്ച് രൂപ മുതല്‍ ഏഴായിരം രൂപ വരെ വില വരുന്ന പടക്ക ഇനങ്ങള്‍ ശിവകാശിയില്‍ നിന്നാണ് പ്രധാനമായും വില്‍പ്പനക്കെത്തിയത്.
മുന്‍ വര്‍ഷങ്ങളേക്കാള്‍ പടക്ക വില്‍പ്പന സജീവമാണെന്ന് വ്യാപാരികള്‍ പറയുന്നു. തിരൂരില്‍ ലൈസന്‍സുള്ള രണ്ട് പടക്ക വ്യാപാരികളാണ് ഈ മേഖലയില്‍ സജീവം.