കമ്പില്‍: കശ്മിരി ബാലിക യെ ക്രൂരമായി പീഡിപ്പിച്ച് കൊലപ്പെടുത്തിയ സംഭവത്തില്‍ പ്രതിഷേധിച്ച് യൂത്ത് ലീഗ് കൊളച്ചേരി പഞ്ചായത്ത് കമ്മിറ്റിയുടെ നേതൃത്വത്തില്‍ കമ്പിലില്‍ പ്രതിഷേധ പ്രകടനം നടത്തി.
അനീസ് പാമ്പുരുത്തി, നിസാര്‍ കമ്പില്‍, പി.കെ.പി നസീര്‍, ജാബിര്‍ പാട്ടയം, അബ്ദു പന്ന്യങ്കണ്ടി, സലാം കമ്പില്‍, അബ്ദു പള്ളിപ്പറമ്പ് നേതൃത്വം നല്‍കി.
മയ്യില്‍: കോണ്‍ഗ്രസ് മയ്യില്‍ മണ്ഡലം കമ്മിറ്റിയുടെ ആഭിമുഖ്യത്തില്‍ മയ്യില്‍ ടൗണില്‍ പ്രതിഷേധ പ്രകടനവും പൊതുയോഗവും സംഘടിപ്പിച്ചു.
കെ.പി ചന്ദ്രന്‍, ഷാഫി കോറളായി, ഇ.കെ മധു, അഡ്വ. മനോജ് കുമാര്‍, സി.എച്ച് മൊയ്തീന്‍കുട്ടി, റൗഫ് പെരുവങ്ങൂര്‍, അനസ് നമ്പ്രം, അബൂബക്കര്‍ എന്നിവര്‍ നേതൃത്വം നല്‍കി. പൊതുയോഗത്തില്‍ കെ.പി ശശിധരന്‍ അധ്യക്ഷനായി. കെ.പി.സി.സി ന്യൂനപക്ഷ വിഭാഗം സംസ്ഥാന കണ്‍വീനര്‍ പി.പി സിദ്ദീഖ് സംസാരിച്ചു.
ചക്കരക്കല്‍: കാശ്മിരി ബാലികയുടെ ദാരുണ കൊലപാതകത്തില്‍ പ്രതിഷേധിച്ച് മുസ്‌ലിംലീഗിന്റെ നേതൃത്വത്തില്‍ ചക്കരക്കല്ലില്‍ പ്രകടനം നടത്തി.
എം. മുസ്തഫ, എന്‍.കെ റഫീഖ്, സി.വി.കെ റിയാസ്, കെ.കെ അബ്ദുല്‍ഫത്താഹ്, ഷക്കീര്‍ മൗവഞ്ചേരി, എ.പി ബഷീര്‍, എം. സുബൈര്‍, ശിഹാബ്, എം.കെ അബ്ദുല്‍ഖാദര്‍, റഊഫ് മാമ്പ, റഊഫ് ചെമ്പിലോട്, കെ.കെ അഷ്‌റഫ് നേതൃത്വം നല്‍കി.