കാഞ്ഞങ്ങാട്: 400 കോടി രൂപ ചെലവില്‍ കാഞ്ഞങ്ങാട് നഗരത്തില്‍ നിര്‍മിക്കുന്ന ഫ്‌ളൈ ഓവറിന്റെ നിര്‍മാണം ഉടന്‍ തുടങ്ങുമെന്ന് റവന്യു മന്ത്രി ഇ. ചന്ദ്രശേഖരന്‍ പറഞ്ഞു. കാഞ്ഞങ്ങാട് റെയില്‍വേ മേല്‍പാലത്തിന്റെ ശിലാസ്ഥാപനം നിര്‍വഹിച്ചു സംസാരിക്കുകയായിരുന്നു മന്ത്രി. കാഞ്ഞങ്ങാട് റെയില്‍വേ മേല്‍പാലം ശിലാസ്ഥാപനം വരെ എത്തിക്കുന്നതില്‍ സംസ്ഥാന സര്‍ക്കാരും മേല്‍പാലം ആക്ഷന്‍ കമ്മിറ്റിയും കാണിച്ച ശുഷ്‌കാന്തി പാലം പൂര്‍ത്തീകരിക്കുന്നതു വരെ ഉണ്ടാവുമെന്നും അദ്ദേഹം പറഞ്ഞു.
ചടങ്ങില്‍ പി. കരുണാകരന്‍ എം.പി അധ്യക്ഷനായിരുന്നു. മഞ്ചേശ്വരം എം.എല്‍.എ പി.ബി. അബ്ദുല്‍ റസാക്ക്, കാഞ്ഞങ്ങാട് നഗരസഭാ അധ്യക്ഷന്‍ വി.വി രമേശന്‍, വൈസ് ചെയര്‍പേഴ്‌സണ്‍ എല്‍. സുലേഖ, അജാനൂര്‍ പഞ്ചായത്ത് പ്രസിഡന്റ് കെ. ദാമോദരന്‍ , തുടങ്ങിയവര്‍ സംസാരിച്ചു. റോഡ് ബ്രിഡ്ജ് ഡവലപ്‌മെന്റ് കോര്‍പറേഷന്‍ എം.ഡി ആശ തോമസ് സ്വാഗതം പറഞ്ഞു. വിവിധ രാഷ്ട്രീയ പാര്‍ട്ടി പ്രതിനിധികളും ബി.ആര്‍.ഡി.സി പ്രതിനിധികളും പരിപാടിയില്‍ സംബന്ധിച്ചു.