ബംഗളൂരു: പത്ത് സിക്‌സറുകള്‍ രണ്ട് ബൗണ്ടറികള്‍ ബംഗളൂരുവിനെതിരേ സഞ്ജു തകര്‍ക്കുകയായിരുന്നു. തകര്‍പ്പന്‍ ബാറ്റിങ്ങിലൂടെ മലയാളി താരം സഞ്ജു സാംസണ്‍ രാജസ്ഥാന് സമ്മാനിച്ചത് 20 ഓവറില്‍ 217 റണ്‍സാണ്. പുറത്താകാതെ 45 പന്തില്‍ നിന്ന് 92 റണ്‍സ് നേടി സഞ്ജു സാംസണ്‍.

അര്‍ധ സെഞ്ച്വറി നേടിയ സഞ്ജു മൂന്നു കളികളില്‍ നിന്നായി 151 റണ്‍സ് നേടി ഓറഞ്ച് ക്യാപും സ്വന്തമാക്കി. ടോസ് നേടിയ ബംഗളൂരു രാജസ്ഥാനെ ബാറ്റിങ്ങിനിയയ്ക്കുകയായിരുന്നു. നായകന്‍ അജിങ്ക്യ രഹാനെയും ഷോര്‍ട്ടും ചേര്‍ന്ന് മികച്ച തുടക്കമാണ് രാജസ്ഥാന് നല്‍കിയത്. 20 പന്തുകള്‍ നേരിട്ട രഹാനെ 36 റണ്‍സ് നേടി. ആദ്യ വിക്കറ്റില്‍ ഇരുവരും ചേര്‍ന്ന് 49 റണ്‍സിന്റെ കൂട്ടുകെട്ടാണ് ഉണ്ടാക്കിയത്.

ബംഗളൂരുവിന് വേണ്ടി ക്രിസ് വോക്‌സും ചഹാലും രണ്ടു വിക്കറ്റ് വീതം വീഴത്തി.