കൊണ്ടോട്ടി: സമൂഹ മാധ്യമങ്ങളില്‍ ആഹ്വാനം ചെയ്ത ഹര്‍ത്താലിനെ തുടര്‍ന്നുണ്ടായ ഗതാഗതക്കുരുക്ക് കാരണം പൈലറ്റുമാര്‍ക്ക് സമയത്തിന് എത്താനാവാത്തതിനാല്‍ കരിപ്പൂരില്‍ വിമാനങ്ങള്‍ വൈകി. എയര്‍ഇന്ത്യ എക്‌സ്പ്രസിന്റെ രാവിലെ 11.20നുളള ഷാര്‍ജ, 11.55നുളള ദോഹ സര്‍വിസുകളാണ് വൈകിയത്. ഇരുവിമാനങ്ങളും പിന്നീട് ഉച്ചക്ക് ഒരു മണിക്ക് ശേഷമാണ് പുറപ്പെട്ടത്. വിമാനത്താവളത്തിലേക്ക് വിവിധ ഭാഗങ്ങളില്‍ നിന്നും വന്ന യാത്രക്കാരും ഗതാഗത കുരുക്കില്‍ അകപ്പെട്ട് വൈകിയിരുന്നു. പിന്നീട് യാത്രക്കാര്‍ക്ക് വേണ്ടി കെ.എസ്.ആര്‍.ടി.സി പ്രത്യേക സര്‍വിസ് നടത്തി.