കിളിമാനൂര്‍: കാറും ബൈക്കും കൂട്ടിയിടിച്ച് ബൈക്ക് യാത്രികരായ രണ്ട്  എന്‍ജിനിയറിങ്  വിദ്യാര്‍ഥികള്‍ മരിച്ചു .
ആറ്റിങ്ങല്‍ വേലാം കോണം അശ്വതിയില്‍ പരേതനായ മോഹന്‍ കുമാറിന്റെയും തിരുവനന്തപുരം റെയില്‍വെ ജീവനക്കാരി ഉഷാകുമാരിയുടെയും മകന്‍ അനന്തു മോഹന്‍ (20) നെയ്യാറ്റിന്‍കര തിരുപുറം കുട്ടനിങ്ങതില്‍ വീട്ടില്‍ തോംസണ്‍ സുമം ദമ്പതികളുടെ മകന്‍ നിതിന്‍ (20) എന്നിവരാണ് മരിച്ചത്. ഇന്നലെ രാവിലെ എട്ടര മണിയോടെ സംസ്ഥാന പാതയില്‍ കിളിമാനൂരിനു സമീപം തട്ടത്തുമലയിലായിരുന്നു അപകടം. ഇവരുള്‍പ്പെടുന്ന വിദ്യാര്‍ഥി സംഘം നിരവധി ബൈക്കുകളിലായി കോട്ടയത്തുള്ള സുഹൃത്തിന്റെ പാര്‍ട്ടിയില്‍ പങ്കെടുക്കാന്‍ പോവുകയായിരുന്നു.  ഇരുവരും സഞ്ചരിച്ച ബൈക്ക് എതിര്‍ദിശയില്‍ വന്ന കാറുമായി കൂട്ടിയിടിക്കുകയായിരുന്നു. അനന്തു മോഹന്‍ അപകട സ്ഥലത്തും നിതിന്‍ ആശുപത്രിയിലും മരിച്ചു.
നഗരൂര്‍ രാജധാനി എന്‍ജിനിയറിഗ് കോളജിലെ മെക്കാനിക്കല്‍  രണ്ടാം വര്‍ഷ വിദ്യാര്‍ഥിയാണ് അനന്തു മോഹന്‍. സേേഹാദരി അശ്വതി. തിരുവനന്തപുരം കണ്ണംമൂല ഡോംകോസ് എന്‍ജിനിയറിങ്  കോളജിലെ രണ്ടാം വര്‍ഷ വിദ്യാര്‍ഥിയാണ് മരിച്ച നിതിന്‍. സഹോദരി ജസി. കിളിമാനൂര്‍ പൊലിസ് തുടര്‍നടപടികള്‍ സ്വീകരിച്ചു.