മ്യൂണിക്ക്: ജര്‍മന്‍ ബുണ്ടസ് ലീഗയില്‍ കിരീടമുറപ്പിച്ച ബയേണ്‍ മ്യൂണിക്ക് സ്വന്തം തട്ടകത്തില്‍ തകര്‍പ്പന്‍ ജയം സ്വന്തമാക്കി. ഒന്നിനെതിരേ അഞ്ച് ഗോളുകള്‍ക്ക് അവര്‍ ബൊറൂസിയ മോണ്‍ചെന്‍ഗ്ലെഡ്ബാചിനെ വീഴ്ത്തി. സാന്‍ഡ്രോ വാഗ്നര്‍ ഇരട്ട ഗോളുകള്‍ നേടി. ശേഷിച്ച ഗോളുകള്‍ അല്‍ക്കന്താര, അലാബ, ലെവന്‍ഡോസ്‌കി എന്നിവരും വലയിലാക്കി. മറ്റൊരു മത്സരത്തില്‍ ഷാല്‍കെ സ്വന്തം തട്ടകത്തില്‍ ബൊറൂസിയ ഡോര്‍ട്മുണ്ടിനെ 2-0ത്തിന് കീഴടക്കി. വെര്‍ഡര്‍ ബ്രെമന്‍- ലെയ്പ്‌സിഗ് പോരാട്ടം 1-1ന് സമനില.