നെടുമ്പാശ്ശേരി: അന്താരാഷ്ട്ര വിമാനത്താവളത്തില്‍ കരാര്‍ ജോലിയില്‍ എര്‍പ്പെട്ടിട്ടുള്ള തൊഴിലാളികളുടെ പ്രശ്‌നങ്ങള്‍ പരിഹരിയ്ക്കാന്‍ അടിയന്തിര നടപടി വേണമെന്ന് മന്ത്രി എം.എം മണി ആവശ്യപെട്ടു. സിയാല്‍ എംപ്ലോയീസ് യുനിയന്‍ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. ബി.ജെ.പി സര്‍ക്കാര്‍ തുടരുന്ന തൊഴിലാളി വിരുദ്ധ നയത്തിന്റെ ഭാഗമായി വിമാനത്താവളത്തിലെ തൊഴിലാളികള്‍ കടുത്ത ചൂഷണത്തിനാണ് വിധേയമാകുന്നത്. ഈ നയങ്ങള്‍ക്കെതിരെ തൊഴിലാളികളുടെ സംഘടിത ശക്തി ഉയര്‍ത്തി സമരത്തിന് തയാറാകണമെന്ന് മന്ത്രി പറഞ്ഞു.
എയര്‍പോര്‍ട്ട് നഗര്‍ പഞ്ചായത്ത് കമ്യുണിറ്റി ഹാളില്‍ ചേര്‍ന്ന സമ്മേളനത്തില്‍ എം.ബി രാജേഷ് എം.പി അധ്യക്ഷനായിരുന്നു. പുതിയ അംഗങ്ങള്‍ക്കുള്ള തിരിച്ചറിയല്‍ കാര്‍ഡിന്റെ വിതരണം സി.ഐ.ടി.യു ജില്ലാ സെക്രട്ടറി സി.കെ മണിശങ്കര്‍ നിര്‍വഹിച്ചു. എന്‍.സി മോഹനന്‍ റിപ്പോര്‍ട്ട് അവതരിപ്പിച്ചു. വാഹനാപകടത്തില്‍ മരിച്ച അരുണ്‍രാജിന്റെ കുടുംബസഹായ ഫണ്ട് ചടങ്ങില്‍ വിതരണം ചെയ്തു. തൊഴിലാളികളുടെ ക്ഷേമ പദ്ധതികളുടെ ഉദ്ഘാടനം സി.പി.എം ഏരിയ സെക്രട്ടറി ഇ.പി സെബാസ്റ്റ്യന്‍ നിര്‍വഹിച്ചു. കെ.കെ ഷിബു, കെ.ജെ ഐസക്ക്, തമ്പി പോള്‍, എ.വി സുനില്‍, എ.എസ് സുരേഷ്, ലീനാഅച്ചു, സി.എസ് ബോസ്, സഡിന്‍ സണ്ണി എന്നിവര്‍ സംസാരിച്ചു.
വിമാനത്താവളത്തിന് സമീപം യുണിയന്റെ പുതിയ ഓഫിസ് മന്ത്രി എം.എം മണി ഉദ്ഘാടനം ചെയ്തു. ഭാരവാഹികള്‍ എം.ബി രാജേഷ്(പ്രസിഡന്റ്), ഇ.പി സെബാസ്റ്റ്യന്‍ (വര്‍ക്കിങ് പ്രസിഡന്റ്), എന്‍.സി മോഹനന്‍ (ജനറല്‍സെക്രട്ടറി), ലീനാ അച്ചു, സി.എസ് ബോസ്, സഡിന്‍ സണ്ണി (വൈസ് പ്രസിഡന്റ്മാര്‍), കെ.ജെ ഐസക്ക്, ടി.വി പ്രദീഷ്, എ.വി സുനില്‍, എ.എസ് സുരേഷ് (സെക്രട്ടറിമാര്‍), തോമസ് (ട്രഷറര്‍).