സ്‌റ്റോക്‌ഹോം: സ്വീഡന്‍ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി സ്‌റ്റോക്‌ഹോം വിമാനത്താവളത്തിലെത്തി. ഇവിടെ നടക്കുന്ന ഇന്ത്യ- നോര്‍ഡിക് ഉച്ചകോടിയില്‍ മോദി സംബന്ധിക്കും. സ്വീഡിഷ് പ്രധാനമന്ത്രി സ്റ്റീഫന്‍ ലോഫ്വെന്‍ ആണ് മോദിയെ വിമാനത്താവളത്തില്‍ സ്വീകരിച്ചത്.

നോര്‍ഡിക് രാജ്യങ്ങളായ സ്വീഡന്‍, നോര്‍വേ, ഫിന്‍ലന്റ്, ഡെന്മാര്‍ക്ക്, ഐസ്‌ലാന്റ് എന്നീ രാജ്യങ്ങളിലെ പ്രധാനമന്ത്രിമാര്‍ ഉച്ചകോടിയില്‍ സംബന്ധിക്കും.

ഇതാദ്യമായാണ് നോര്‍ഡിക് ഉച്ചകോടിയില്‍ ഇന്ത്യ സംബന്ധിക്കുന്നത്. 30 വര്‍ഷത്തിനിടെ ഇതാദ്യമായാണ് ഒരു നോര്‍ഡിക് രാജ്യത്ത് ഇന്ത്യന്‍ പ്രധാനമന്ത്രി സന്ദര്‍ശനം നടത്തുന്നത്.

ഉച്ചകോടിക്കു ശേഷം ലണ്ടനിലേക്കു തിരിക്കുന്ന മോദി, ബ്രിട്ടീഷ് പ്രധാനമന്ത്രി തെരേസ മേയുമായി ചര്‍ച്ച നടത്തും. ഇവിടെ വിവിധ കരാറുകളില്‍ ഒപ്പുവയ്ക്കും.

നാളെ ലണ്ടനിലെ ചരിത്രപ്രസിദ്ധമായ വെസ്റ്റ്മിന്‍സ്റ്റര്‍ സെന്‍ട്രല്‍ ഹാളില്‍ മോദി പ്രസംഗിക്കും.