മനാമ: കെ.എം.സി.സി ബഹ്‌റൈന്‍ സ്‌പോര്‍ട്‌സ് വിങ്ങിന്റെ നേതൃത്വത്തില്‍ മഹാനായ മര്‍ഹൂം ഇ അഹമ്മദ് സാഹിബിന്റെ നാമേധയത്തിലുള്ള റോളിങ് ട്രോഫിക്ക് വേണ്ടിയുള്ള പ്രഥമ ചതുര്‍ദിന ഇന്റര്‍ കെ.എം.സി.സി ഫുട്‌ബോള്‍ മേള സംഘടിപ്പിക്കാന്‍ സംഘാടകര്‍ തയ്യാറെടുക്കുന്നു.

ഈ മാസം 26,27,28,30 തിയ്യതികളില്‍ സിന്ജ് ഇത്തിഹാദ് ക്ലബ്ബ് സ്റ്റേഡിയത്തിലാണ് ഫുട്‌ബോള്‍ മേള സംഘടിപ്പിക്കുന്നതെന്ന് ഭാരവാഹികള്‍ അറിയിച്ചു.

കെ.എം.സി.സി ബഹ്‌റൈന്‍ കേന്ദ്ര കമ്മിറ്റിക്ക് കീഴില്‍ നിലവിലുള്ള ജില്ലാ ഏരിയ കമ്മിറ്റികള്‍ക്ക്  അവരുടെ മെമ്പര്‍മാരെ ഉള്‍പ്പെടുത്തി മാത്ര മായിരിക്കും ടൂര്‍ണമെന്റില്‍ പ്രവേശന അനുമതി.