മുക്കം: കത്‌വയില്‍ എട്ടു വയസുകാരിയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ സംഭവത്തില്‍ മലയോര മേഖലയില്‍ പ്രതിഷേധം ആളിക്കത്തുന്നു. വിവിധ സംഘടനകളുടെ നേതൃത്വത്തില്‍ മുക്കത്ത് പ്രതിഷേധ പ്രകടനങ്ങള്‍ നടന്നു. എന്റെ മുക്കം ചാരിറ്റബ്ള്‍ സൊസൈറ്റിയുടെ നേതൃത്വത്തില്‍ മുക്കത്ത് കണ്ണ് കെട്ടി പ്രതിഷേധ പ്രകടനം നടത്തി. സലീം പൊയിലില്‍, ഫിറോസ് പത്രാസ്, എം.കെ മമ്മദ്, ബര്‍ക്കത്തുളള ഖാന്‍, നൗഷാദ് കൊടിയത്തൂര്‍, ബാവ ഒളകര, അഷ്‌ക്കര്‍ സര്‍ക്കാര്‍പറമ്പ്, എന്‍. ശശികുമാര്‍ നേതൃത്വം നല്‍കി.
മുസ്‌ലിം ലീഗ് തിരുവമ്പാടി നിയോജക മണ്ഡലം കമ്മിറ്റിയുടെ നേതൃത്വത്തില്‍ മുക്കത്ത് പ്രതിഷേധ പ്രകടനം നടത്തി. സംസ്ഥാന സെക്രട്ടറി സി.പി ചെറിയ മുഹമ്മദ്, സി.കെ കാസിം, കെ.വി അബ്ദുറഹ്മാന്‍, സി.എ മുഹമ്മദ്, പി.കെ മുഹമ്മദ്, ഹംസ, യൂനുസ് പുത്തലത്ത്, റഷീദ്, ഗഫൂര്‍ കല്ലുരുട്ടി, ദാവൂദ് മുത്താലം, യാസിര്‍ പുളപ്പൊയില്‍, കെ. കോയ, അബ്ദുല്‍ ബര്‍റ്, പി.പി ശിഹാബ്, മജീദ് പുതുക്കുടി നേതൃത്വം നല്‍കി. എസ്.ഡി.പി.ഐ കാരശ്ശേരി പഞ്ചായത്ത് കമ്മിറ്റിയുടെ ആഭിമുഖ്യത്തില്‍ മുക്കത്ത് പ്രതിഷേധ റാലി നടത്തി.
യൂത്ത് ലീഗ് തേക്കുംകുറ്റി യൂനിറ്റ് സംഘടിപ്പിച്ച പ്രതിഷേധ പ്രകടനം എം.എസ്.എഫ് മണ്ഡലം വൈസ് പ്രസിഡന്റ് ഉനൈസ് പരിയാടത്ത് ഉദ്ഘാടനം ചെയ്തു. യൂനിറ്റ് ജനറല്‍ സെക്രട്ടറി സിറാജുല്‍ ഹഖ് മേലേക്കുളം അധ്യക്ഷനായി. യൂത്ത് ലീഗ് പഞ്ചായത്ത് സെക്രട്ടറി മുനീര്‍ അലുങ്ങല്‍ പ്രഭാഷണം നടത്തി. മുസ്തഫ പാലക്കത്തൊടി, മുനീബ് ചുക്കാന്‍, അഫ്‌സല്‍, കെ.പി അനസ്, കെ.പി അംജദ്, സബീല്‍ പാറക്കല്‍, സാബിത് പയനിങ്ങല്‍ നേതൃത്വം നല്‍കി.
ഓമശ്ശേരി: എസ്.കെ.എസ്.എസ്.എഫ് ഓമശ്ശേരി ക്ലസ്റ്റര്‍ കമ്മിറ്റിയുടെ നേതൃത്വത്തില്‍ ഓമശ്ശേരിയില്‍ പ്രതിഷേധ പ്രകടനം നടത്തി. ജില്ലാ വര്‍ക്കിങ് സെക്രട്ടറി നൂറുദ്ധീന്‍ ഫൈസി മുണ്ടുപാറ ഉദ്ഘാടനം ചെയ്തു. പി.ടി മുഹമ്മദ് കാതിയോട്, ഹാരിസ് ഹൈതമി, നിസാം തായമ്പ്ര, റിയാസ് ബാപ്പു ഓമശ്ശേരി, ശാദുലി ദാരിമി, ഇര്‍ഷാദ് പൂളപ്പൊയില്‍, മിഥ്‌ലാജ് മുണ്ടുപാറ നേതൃത്വം നല്‍കി.
ഓമശ്ശേരിയില്‍ പഞ്ചായത്ത് മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനം നടത്തി. യു.കെ അബു ഹാജി, പി.വി അബ്ദുല്‍ റഹ്മാന്‍, കെ.കെ അബ്ദുല്ലക്കുട്ടി, ടി. റസാഖ്, പി.വി സ്വാദിഖ്, ഇ.കെ സാജിദ്, യൂനുസ് അമ്പലക്കണ്ടി, സി.കെ റസാഖ് കൈവേലിമുക്ക് നേതൃത്വം നല്‍കി.