മക്ക: ഈ വർഷം ഇത് വരെ മുപ്പത് ലക്ഷം തീർത്ഥാടകർ ഉംറക്കായി ജിദ്ദ വിമാനത്താവളം വഴി പുണ്യ ഭൂമിയിൽ എത്തിയെന്നു  കണക്കുകൾ. കഴിഞ്ഞ വർഷം സെപ്തംബർ മുതൽ ഈ വർഷം ഏപ്രിൽ ഒന്നു വരെയുള്ള എട്ടു മാസത്തെ കണക്കുകളാണ് അധുകൃതർ പുറത്തു വിട്ടത്. 2030 ഓടെ ഉംറ തീർത്ഥാടകരുടെ എണ്ണം 3 കോടിയാകുന്നതിന്റെ ഭാഗമായി അതി വിപുലമായ സൗകര്യങ്ങൾ ഏർപ്പെടുത്തി ഓരോ വർഷവും തീർത്ഥാടകരുടെ എണ്ണം വർധിപ്പിക്കുകയാണ് ചെയ്യുന്നത്. ജിദ്ദ വിമാനത്താവളം വഴി ഇക്കാലയളവിൽ 8588 വിമാനങ്ങൾ ഉംറ തീർത്ഥാടകരെ വഹിച്ചു എത്തിയെന്നും 9475 വിമാനങ്ങൾ തീർത്ഥാടകരെ വഹിച്ചു തിരിച്ചു പറക്കുകയും ചെയ്‌തു.