ന്യൂഡല്‍ഹി: രാജ്യത്തെ നോട്ട് അസാധുവാക്കലും ജി.എസ്.ടിയും ഏല്‍പ്പിച്ച ആഘാതം മറികടന്ന് ഇന്ത്യന്‍ സമ്പദ്ഘടന മുന്നേറുമെന്ന് ലോകബാങ്ക്. 2018ല്‍ 7.3 ശതമാനം വളര്‍ച്ച കൈവരിക്കുമെന്നാണ് ലോകബാങ്ക് കണക്കാക്കുന്നത്. ഈ വളര്‍ച്ച 2019-20 കാലഘട്ടത്തില്‍ വളര്‍ച്ച 7.5 ശതമാനമായി ഉയരുമെന്നും ലോകബാങ്ക് പ്രവചിക്കുന്നു.

ലോകബാങ്ക് പുറത്തിറക്കിയ ഏഷ്യ ഇക്കണോമിക് ഫോക്കസ് റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്. ആഗോളവളര്‍ച്ചയില്‍ നേട്ടമുണ്ടാക്കാന്‍ ഇന്ത്യ നിക്ഷേപവും കയറ്റുമതിയും ത്വരിതപ്പെടുത്തണമെന്നും ലോകബാങ്ക് ചൂണ്ടിക്കാട്ടുന്നു.

ഇന്ത്യന്‍ സമ്പദ്ഘടനയ്ക്ക് ജി.എസ്.ടിയും നോട്ട് അസാധുവാക്കലും തിരിച്ചടിയുണ്ടാക്കിയിട്ടുണ്ടെന്നും ലോകബാങ്കിന്റെ റിപ്പോര്‍ട്ടിലുണ്ട്.