തിരുവനന്തപുരം: ആര്‍.സി.സിയിലെ രക്തദാന പ്രക്രിയ കൂടുതല്‍ സുരക്ഷിതമാക്കുന്നതിന് ന്യൂക്ലിക് ആസിഡ് ടെസ്റ്റിനുള്ള (നാറ്റ്) സംവിധാനം ഉടന്‍ യാഥാര്‍ഥ്യമാക്കുമെന്ന് ഡയറക്ടര്‍. ഇതിനുള്ള ടെണ്ടര്‍ നടപടികള്‍ ഉടന്‍ ആരംഭിക്കും. മാനദണ്ഡങ്ങള്‍ പാലിക്കണമെന്നതിനാല്‍ എത്ര ദിവസത്തിനുള്ളില്‍ സംവിധാനം യാഥാര്‍ഥ്യമാകുമെന്നത് പറയാനാകില്ലെന്നും ഡയറക്ടര്‍ വ്യക്തമാക്കി. എച്ച്.ഐ.വി ബാധിച്ച് പെണ്‍കുട്ടി മരിച്ച വാര്‍ത്തകള്‍ വന്നതിനെ തുടര്‍ന്നാണ് നടപടികള്‍ വേഗത്തിലാക്കാന്‍ അധികൃതര്‍ തീരുമാനിച്ചത്.