മനാമ: വിസിറ്റ് വിസയില്‍ ബഹ്‌റൈനിലെത്തിയ മലയാളി യുവാവ് ബഹ്‌റൈനില്‍ താമസ സ്ഥലത്ത് വെച്ചു മരിച്ചു. തൃശൂര് കോട്ടപ്പുറം സ്വദേശി ബൈന്നി നോബെര്‍ട്ട് എന്ന 28 വയസ്സുകാരനാണ് ഉറക്കത്തിനിടെ മരിച്ചത്.ഹൃദയാഘാതമാണ് മരണ കാരണമെന്ന് റിപ്പോര്‍ട്ടുണ്ട്. മൃതദേഹം സല്‍മാനിയ മെഡിക്കല്‍ ആശുപത്രിയില്‍ സൂക്ഷിച്ചിരിക്കുകയാണ്. നടപടി ക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്കയക്കുമെന്ന് ബന്ധപ്പെട്ടവര്‍ അറിയിച്ചു.