.
മലപ്പുറം: ശബ്ദമലിനീകരണം നിയന്ത്രിക്കേണ്ടതിന്റെ പ്രാധാന്യത്തെകുറിച്ച് ബോധവല്‍ക്കരിക്കുന്നതിനും ജനകീയ പങ്കാളിത്തം ഉറപ്പാക്കാനുമായി 26ന് ഹോണ്‍ മുഴക്കാത്ത ദിനമായി ആചരിക്കാന്‍ സര്‍ക്കാര്‍ തീരുമാനം.
അന്തര്‍ദേശീയ ശബ്ദ മലിനീകരണ ബോധവല്‍ക്കരണ ദിനാചരണത്തിന്റെ ഭാഗമായാണ് ഏപ്രില്‍ 26 ന് വാഹനങ്ങളുടെ ഹോണ്‍ നിയന്ത്രിക്കാന്‍ തീരുമാനിച്ചിരിക്കുന്നത്.
വലിയ തോതില്‍ ശബ്ദമലിനീകരണം ഉണ്ടാക്കുന്ന എയര്‍ഹോണുകളുടെയും മറ്റു നിരോധിത ഹോണുകളുടെയും ഉപയോഗം കര്‍ശനമായി നിയന്ത്രിക്കാനും ദിനാചരണം പൊതുജനപങ്കാളിത്തത്തോടെ വിജയമാക്കാനും നടപടി സ്വീകരിക്കാന്‍ ട്രാന്‍സ്‌പോര്‍ട്ട് കമ്മിഷണര്‍ക്കും റീജ്യനല്‍ ട്രാന്‍സ്‌പോര്‍ട്ട് ഓഫിസര്‍മാര്‍ക്കും സര്‍ക്കാര്‍ നിര്‍ദേശം നല്‍കി.