കോഴിക്കോട്: ഈ വര്‍ഷത്തെ എം.കെ.സി സ്മാരക അവാര്‍ഡ് 29ന് കെ.പി.സി.സി മുന്‍ പ്രസിഡന്റ് വി.എം സുധീരന്‍ സമ്മാനിക്കും. സാമൂഹ്യ സേവന രംഗത്ത് നിറസാന്നിധ്യവും ചന്ദ്രിക ദിനപത്രത്തിന്റെ ഡയറക്ടറുമായിരുന്ന എം.കെ.സി അബുഹാജിയുടെ സ്മരണക്കായി രൂപം നല്‍കിയ എം.കെ.സി അബുഹാജി സ്മാരക സമിതിയുടെ അവാര്‍ഡിന് മുതിര്‍ന്ന പത്രപ്രവര്‍ത്തകനും എഴുത്തുകാരനുമായ എ. സജീവനും സാമൂഹ്യ സേവന രംഗത്ത് നിസ്വാര്‍ഥ സേവനത്തിന്റെ ഉടമയും അല്‍ഹിന്ദ് ട്രാവല്‍സ് ചാരിറ്റബിള്‍ ഫൗണ്ടേഷന്‍ ചെയര്‍മാനുമായ ടി ഹരിദാസുമാണ് അര്‍ഹരായത്.
അവാര്‍ഡുകള്‍ 29ന് വൈകിട്ട് 4.15ന് കോഴിക്കോട് ഹൈസണില്‍ നടക്കുന്ന ചടങ്ങില്‍ സമ്മാനിക്കും. അനുസ്മരണ സംഗമം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഡോ. എം.കെ മുനീര്‍ എം.എല്‍.എ അധ്യക്ഷനാകും.
അനുസ്മരണ ബുള്ളറ്റിന്‍ എം.പി അബ്ദുസമദ് സമദാനി പ്രകാശനം ചെയ്യും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പ്രാര്‍ഥന നടത്തും. ഇതു സംബന്ധിച്ച് നടന്ന യോഗത്തില്‍ കെ മൊയ്തീന്‍ കോയ അധ്യക്ഷനായി.