ബ്രസീലിയ: റഷ്യന്‍ ലോകകപ്പിന്റെ മുന്നോടിയായുള്ള സന്നാഹ മത്സരത്തില്‍ ക്രോയേഷ്യയും ബ്രസീലും തമ്മില്‍ ലിവര്‍പൂളിന്റെ തട്ടകമായ ആന്‍ഫീല്‍ഡില്‍ കൊമ്പുകോര്‍ക്കും. പരുക്ക് മാറി സൂപ്പര്‍ താരം നെയ്മറും മത്സരത്തില്‍ പങ്കെടുക്കുമെന്നാണ് ലഭിക്കുന്ന വിവരം. ഡി ഗ്രൂപ്പില്‍ അര്‍ജന്റീനക്കൊപ്പമാണ് ക്രൊയേഷ്യ മത്സരിക്കുന്നത്. കോസ്റ്റാറിക്ക, സ്വിറ്റ്‌സര്‍ലന്റ്, സെര്‍ബിയ എന്നിവരടങ്ങുന്ന ഗ്രൂപ്പ് ഇ യിലാണ് ബ്രസീലിലുള്ളത്. ക്രൊയേഷ്യയുമായുള്ള സൗഹൃദ മത്സരത്തില്‍ കുട്ടീഞ്ഞോയും ബൂട്ടുകെട്ടുന്നുണ്ട്. റോബര്‍ട്ടോ ഫെര്‍മിനോയും ബ്രസീലിനായി കളത്തിലിറങ്ങും. ജൂണ്‍ 17ന് സ്വിറ്റ്‌സര്‍ലന്റിനെതിരേയാണ് ബ്രസീലിന്റെ ആദ്യ മത്സരം.