മുക്കം: ടാര്‍ഗറ്റ് പബ്ലിക് സ്‌കൂള്‍ വിദ്യാര്‍ഥികളുടെ നേതൃത്വത്തില്‍ നടക്കുന്ന 'ഗിവ് എ ബുക്ക്, ഗിവ് എ ഡ്രീം' കാംപയിന്‍ മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ഉദ്ഘാടനം ചെയ്തു.
ജില്ലാ പഞ്ചായത്തംഗം സി.കെ കാസിം, കാഞ്ചന കൊറ്റങ്ങല്‍, കാരശ്ശേരി ബാങ്ക് ചെയര്‍മാന്‍ എന്‍.കെ അബ്ദുറഹ്മാന്‍, മുക്കം ഭാസി, കൗണ്‍സിലര്‍ മുക്കം വിജയന്‍ മാസ്റ്റര്‍ എന്നിവര്‍ പദ്ധതിയിലേക്ക് പുസ്തകങ്ങള്‍ നല്‍കി. ചടങ്ങില്‍ സൗഫീഖ് വെങ്ങളത്ത്, സച്ചിന്‍ അഹമ്മദ്, എം.സി മുനീര്‍, ഷാഹിദ് കാവനൂര്‍, ദിയ, മിഷായേല്‍, അഷ്‌ന, നൗഷാദ് തുടങ്ങിയവര്‍ സംബന്ധിച്ചു. ഉപയോഗം കഴിഞ്ഞ പാഠപുസ്തകങ്ങളും മറ്റ് ഇതരപുസ്തകങ്ങളും ശേഖരിച്ച് ആവശ്യക്കാര്‍ക്ക് വിതരണം ചെയ്യുകയാണ് കാംപയിനിലൂടെ ലക്ഷ്യമിടുന്നത്.
പുസ്തകം നല്‍കുന്ന ആളുകള്‍ക്ക് വിദ്യാര്‍ഥികള്‍ തന്നെ സംഭരിച്ച പച്ചക്കറി വിത്തുകള്‍ വിതരണം ചെയ്യും. കൂടുതല്‍ വിവരങ്ങള്‍ക്ക്: 9744505511, 9605633485.