ആലപ്പുഴ: ആഗോള പരിസ്ഥിതി ദിനാചരണത്തിന്റെ ഭാഗമായി ജില്ലാ നിയമസേവന അതോറിറ്റിയും അമ്പലപ്പുഴ താലൂക്ക് നിയമസേവന കമ്മിറ്റിയും ചേര്‍ന്ന് ആയിരം വൃക്ഷത്തൈകള്‍ വിതരണം ചെയ്തു. ജില്ലാ കോടതി വളപ്പില്‍ നടന്ന ചടങ്ങില്‍ ജില്ലാ ജഡ്ജി ആര്‍. സുധാകരന്‍ ഉദ്ഘാടനം ചെയ്തു.
അഡീഷണല്‍ ജില്ലാ ജഡ്ജി കെ. ഹരിപാല്‍, ബാര്‍ അസോസിയേഷന്‍ പ്രസിഡന്റ് അഡ്വക്കേറ്റ് വേണുഗോപാല പണിക്കര്‍, ജില്ലാ ഗവണ്‍മെന്റ് പ്ലീഡര്‍ ആര്‍. സനല്‍കുമാര്‍, ജില്ലാ നിയമസേവന അതോറിറ്റി സെക്രട്ടറി എ. ഷാജഹാന്‍, മുന്‍ ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് എന്‍.കെ. പ്രകാശന്‍ എന്നിവര്‍ പ്രസംഗിച്ചു.