ആലപ്പുഴ: ലോക പരിസ്ഥിതിദിനത്തോട് അനുബന്ധിച്ച് സ്റ്റുഡന്റ് പൊലിസ് കേഡറ്റുകള്‍ക്കായി വനം വകുപ്പിന്റെ സഹകരണത്തോടെ നടപ്പാക്കിയ 'എന്റെ മരം' പദ്ധതിയുടെ ഭാഗമായി കേഡറ്റുകള്‍ക്ക് വൃക്ഷത്തൈകള്‍ വിതരണം ചെയ്യുന്നതിന്റെ ജില്ലാതല ഉത്ഘാടനം ജില്ലാ പൊലിസ് മേധാവി പി. അശോക് കുമാര്‍ ആലപ്പുഴ ബിച്ചില്‍ നിര്‍വഹിച്ചു.
ജില്ലയില്‍ സ്റ്റുഡന്റ് പൊലിസ് കേഡറ്റ് പദ്ധതി നടപ്പിലാക്കിയ 29 സ്‌കൂളിലെ 2552 കുട്ടികള്‍ക്ക് രണ്ട് വീതം വൃക്ഷതൈകള്‍ വിതരണം ചെയ്തു.
ഓരോ കേഡറ്റും ഒരു വൃക്ഷതൈ നടുകയും അവരുടെ ഏറ്റവും അടുത്ത ഒരു സുഹൃത്തിനെക്കൊണ്ട് ഒരു വൃക്ഷത്തെ നടുവാന്‍ പ്രേരിപ്പിക്കുകയുമാണ് എന്റെ മരം പദ്ധതിയിലൂടെ ലക്ഷ്യമിടുന്നത്. കേഡറ്റുകള്‍ക്കായി ജില്ലയില്‍ 5200 ല്‍ അധികം തൈകള്‍ വിതരണം ചെയ്തു. ജില്ലാ പൊലീസ് മേധാവി ക്ലാസ് എടുത്തു. ജില്ലാ നോഡല്‍ ഓഫീസര്‍ പി.കെ ഗോപാലന്‍ ആചാരി, അസിസ്റ്റന്റ് നോഡല്‍ ഓഫീസര്‍ കെ.വി. ജയചന്ദ്രന്‍, സബ് ഇന്‍സ്‌പെക്ടര്‍ അശോക് കുമാര്‍, ഇന്‍സ്ട്രക്റ്റര്‍മാരായ ഷിജിലാല്‍, അസ്‌ലം, അരുണ്‍ തുടങ്ങിയവര്‍ പങ്കെടുത്തു.