കൊച്ചി: കലാം വാരിയേഴ്‌സ് കേരള ഏര്‍പ്പെടുത്തിയ പ്രഥമ ഭാരതീയം പുരസ്‌കാരത്തിന് മാധ്യമ പ്രവര്‍ത്തകന്‍ ഭാനുപ്രകാശ് അര്‍ഹനായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. കേരള സംഗീത നാടക അക്കാദമി മുഖമാസികയായ കേളിയുടെ വര്‍ക്കിങ് എഡിറ്ററാണ് ഭാനുപ്രകാശ്.
അന്‍പതിനായിരം രൂപയും ശില്‍പവും പ്രശസ്തിപത്രവും അടങ്ങുന്ന പുരസ്‌കാരം അടുത്തമാസം എറണാകുളത്ത് നടക്കുന്ന ചടങ്ങില്‍ സമ്മാനിക്കും. കലാം വാരിയേഴ്‌സ് രക്ഷാധികാരി ഊര്‍മിള ഉണ്ണി, ടി.പി അനൂപ്, അരുണ്‍ ഗോപിനാഥ്, പി.ടി ബിനിത, എ.എന്‍ ഗോപകുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.