തിരുവനന്തപുരം: നാഷനല്‍ അസോസിയേഷന്‍ ഓഫ് സോഫ്റ്റ്‌വെയര്‍ ആന്‍ഡ് സര്‍വിസ് കമ്പനീസ് (നാസ്‌കോം) സംസ്ഥാനത്ത് 150 ഐ.ടി നോളജ് സെന്ററുകള്‍ തുടങ്ങും.നാഷനല്‍ ഇന്‍ഫര്‍മേഷന്‍ ടെക്‌നോളജി മിഷനുമായി ചേര്‍ന്നാണ് പദ്ധതി നടപ്പാക്കുക.
ഐ.ടി, ഐ.ടി ഇതര സര്‍വിസുകള്‍ക്കായി വിവിധ നൈപുണ്യ വികസന കോഴ്‌സുകള്‍ തുടങ്ങുന്നതിന്റെ ഭാഗമായാണിത്. ഇതുമായി ബന്ധപ്പെട്ട കരാര്‍ തിരുവനന്തപുരം മസ്‌ക്കറ്റ് ഹോട്ടലില്‍ നടന്ന ചടങ്ങില്‍ ഒപ്പുവച്ചു.
ഭാരത് സേവക് സമാജ് ജനറല്‍ സെക്രട്ടറി ബി.എസ് ബാലചന്ദ്രന്‍ അധ്യക്ഷത വഹിച്ചു. തുറമുഖ മന്ത്രി കടന്നപ്പള്ളി രാമചന്ദ്രന്‍, നാസ്‌കോം വൈസ് പ്രസിഡന്റ് ഡോ. സന്ധ്യ ചിന്താല, നാഷനല്‍ ഇന്‍ഫര്‍മേഷന്‍ ടെക്‌നോളജി മിഷന്‍ ഡയരക്ടര്‍ ഷിബു രാമാനുജന്‍, എം.എസ്.സുജിത് ഉണ്ണി തുടങ്ങിയവര്‍ സംസാരിച്ചു.