റിയാദ്: സഊദിയിലെ ഹായിലില്‍ ലേബര്‍ ക്യാംപിലുണ്ടായ തീപിടിത്തത്തില്‍ ആറു വിദേശ തൊഴിലാളികള്‍ മരിച്ചു.
ഒരാള്‍ക്ക് പരുക്കേറ്റു. ഹായില്‍ നഗരത്തില്‍ നിന്ന് ഏകദേശം 250 കിലോമീറ്റര്‍ അകലെ ഉലൈഫില്‍ വിദേശ തൊഴിലാളികള്‍ താമസിച്ചിരുന്ന വീട്ടില്‍ ബുധനാഴ്ചയാണ് തീപ ിടിത്തമുണ്ടായത്.
വിവരമറിഞ്ഞെത്തിയ സിവില്‍ ഡിഫന്‍സിന്റെ നേതൃത്വത്തിലാണ് തീയണച്ചത്. ഷോര്‍ട്ട് സര്‍ക്യൂട്ട് മൂലമാണ് തീപിടിത്തമെന്നാണ് പ്രാഥമിക നിഗമനം.
അന്വേഷണം നടക്കുകയാണെന്ന് ഹായില്‍ സിവില്‍ ഡിഫന്‍സ് വക്താവ് ലഫ്റ്റനന്റ് കേണല്‍ നാഫിഅഃ അല്‍ ഹര്‍ബി പറഞ്ഞു. മരണപ്പെട്ടവര്‍ ഏതു രാജ്യക്കാരാണെന്നു വ്യക്തമായിട്ടില്ല. മലയാളികള്‍ ഉള്‍പ്പെട്ടില്ലെന്നാണ് വിവരം.