ഇരിട്ടി: കര്‍ണാടകയിലെ വീരാജ്‌പേട്ടയില്‍ നിന്ന് കേരളത്തിലേക്കു കടത്തുകയായിരുന്ന 30 ലക്ഷം രൂപയും 800 ഗ്രാം സ്വര്‍ണവുമായി യുവാവ് എക്‌സൈസ് സംഘത്തിന്റെ പിടിയിലായി.
വയനാട് വൈത്തിരി കോട്ടക്കാലന്‍ ഹൗസില്‍ മുഹമ്മദ് ഇഖ്ബാലിനെ(28)യാണ് ഇന്നോവ കാറില്‍ ഇരിട്ടി ഭാഗത്തേക്ക് കടത്തുകയായിരുന്ന പണവും സ്വര്‍ണവുമായി പിടികൂടിയത്. കിളിയന്തറ ചെക്ക്‌പോസ്റ്റ് എക്‌സൈസ് ഇന്‍സ്‌പെക്ടര്‍ എ. ഹേമന്ദ് കുമാര്‍, അസി. ഇന്‍സ്‌പെക്ടര്‍ പി. അബൂബക്കര്‍, പ്രിവന്റീവ് ഓഫിസര്‍മാരായ അനന്തകൃഷ്ണന്‍, പ്രമോദ്, അശോകന്‍ സിവില്‍ എക്‌സൈസ് ഓഫിസര്‍മാരായ നിവിന്‍, അനില്‍ കുമാര്‍, ദിനേശന്‍, ഉണ്ണികൃഷ്ണന്‍, ഉത്തമന്‍ എന്നിവരുള്‍പ്പെട്ട സംഘമാണ് പണവും സ്വര്‍ണവും പിടികൂടിയത്.