കല്‍പ്പറ്റ: നബാര്‍ഡിന് കീഴില്‍ രൂപീകരിച്ച കാര്‍ഷികോല്‍പ്പാദക കമ്പനിയായ വേവിന്‍ പ്രൊഡ്യൂസര്‍ കമ്പനിയുടെ നേതൃത്വത്തില്‍ കല്‍പ്പറ്റയില്‍ വിഷരഹിത ഉല്‍പ്പന്നങ്ങളുടെ വിപണന കേന്ദ്രം ആരംഭിച്ചു.
പുതിയ ബസ് സ്റ്റാന്‍ഡിന് സമീപം വൈത്തിരി പ്രാഥമിക കാര്‍ഷിക ഗ്രാമ വികസന ബാങ്ക് കെട്ടിടത്തിലാണ് ഔട്ട് ലെറ്റ് തുടങ്ങിയത്. വിപണന കേന്ദ്രത്തിന്റെ ഉദ്ഘാടനം നബാര്‍ഡ് സി.ജി.എം എന്‍.എസ് സജികുമാര്‍ നിര്‍വഹിച്ചു.
മാനേജിങ് ഡയരക്ടര്‍ സതീഷ് ബാബു അധ്യക്ഷനായി. ബാങ്ക് സെക്രട്ടറി സച്ചിദാനന്ദന്‍, സാബു പാലാട്ടില്‍, വേവിന്‍ ഡയരക്ടര്‍മാരായ ജി. ഹരിലാല്‍, സി.ടി പ്രമോദ്, കെ രാജേഷ്, ബെഹനാന്‍, എന്‍.എസ് ധന്യ, ശാന്തകുമാരി സംബന്ധിച്ചു. വിവിധ ഉല്‍പാദക കമ്പനികളുടെ ഉല്‍പന്നങ്ങളും മൂല്യവര്‍ധിത ഉല്‍പന്നങ്ങളും വിപണന കേന്ദ്രത്തില്‍ ലഭ്യമാക്കും.