കണ്ണൂര്‍: പ്രകൃതിയെ തൊട്ടറിയാന്‍ അഴീക്കോട് ദയ ചാരിറ്റബിള്‍ ട്രസ്റ്റ് വിദ്യാര്‍ഥികള്‍ക്കായി സംഘടിപ്പിച്ച 'കാടറിഞ്ഞ് നാടറിഞ്ഞ്' പഠനയാത്ര ശ്രദ്ധേയമായി.
ഒരു ഗ്രാമത്തിന്റെ സമഗ്രവികസനത്തിന് തുടക്കം കുറിക്കാനായി കുട്ടികളെ മികവിന്റെ വഴിയിലേക്ക് നയിക്കാന്‍ അഴീക്കോട് ദയ ചാരിറ്റബിള്‍ ട്രസ്റ്റ് ഒരുക്കിയ അണ്‍ലീഷ് യുവര്‍ പൊട്ടന്‍ഷ്യല്‍' എന്ന പ്രത്യേക പഠനപദ്ധതിയുടെ രണ്ടാംഘട്ടമായാണ് കുട്ടികള്‍ക്ക് ഇങ്ങനെയൊരു തുടര്‍പഠന പരിപാടി സംഘടിപ്പിച്ചത്.
പരിപാടിയുടെ ഉദ്ഘാടനം ദയ ചാരിറ്റബിള്‍ ട്രസ്റ്റ് ചെയര്‍മാന്‍ ഡോ. എന്‍.കെ സൂരജ് നിര്‍വഹിച്ചു. കെ. നജീഷ് കുമാര്‍, പോള്‍ തോമസ്, മുത്തങ്ങ പ്രദീപന്‍ സംസാരിച്ചു. പഠനയാത്രക്ക് ശേഷം ജീവിതത്തിലെ വെല്ലുവിളികളെ മറിക്കടക്കാനുള്ള പ്രത്യേക പരിശീലനം ഡോ. പോള്‍ തോമസിന്റെ നേതൃത്വത്തിലുള്ള സംഘം കുട്ടികള്‍ക്കായി നല്‍കി. തുടര്‍ന്ന് ട്രസ്റ്റിന്റെ ആഭിമുഖ്യത്തില്‍ വൃക്ഷത്തൈകള്‍ നട്ട് വനസംരക്ഷണ പ്രവര്‍ത്തനങ്ങള്‍ക്ക് കുട്ടികള്‍ നേതൃത്വം നല്‍കി.